SHOW LOVE

SHOW LOVE
by Asafo Weedamiah

It nuh tek nothing to show love
It nuh tek nothing, nothing, not a single thing
It nuh tek nothing to put a smile pon yuh face
It nuh tek nothing, nothing, not a single penny
It nuh tek nothing for u to give thankhs fi life
(a weh u think i man a smile bout?)
It nuh tek nothing u to thankh the life giver for the breath inna you lungs and the food in your mouth 
It nuh tek nothing, nothing, not a single thing
It nuh tek nothing to hail yuh bredda and sistah as yuh pass them on da street
It nuh tek nothing fi da people unite, time and time again  fi music dem dweet
It nuh tek nothing to respect your elders, youths learn from them and be wise
It nuh tek nothing fi da elders to listen to the youths, some think them too big fi tek advice
But it nuh tek nothing, nothing, not a single troupance
It nuh tek nothing fi man and woman to show each other respect
It nuh tek nothing fi remember man is man, woman is woman some act as if them forget
But think what it takes to envy and grudge
Caan sleep at night because yuh have no love
Wasting time and money a try get even when love dun have u ahead
Foolish mankind, so easily mislead

LIFE IS ALL THAT U HAVE, SO LIVE
Fear nothing or no one, and when you have give
No matter how much a person have they still want moreoczi
BUT  REMEMBER SEH
No matter how little u think u have u could still have less

It nuh tek nothing to give thankhs, nothing, nothing, not a single thing.

So I n I do give thankhs fi all I blessings, And i man pray fi strength so I man can help others

It nuh tek nothing to show love
It nuh tek nutten to show love
It nuh tek nutten fi show love
Nuh tek nutten, show love